你的網站，
搜尋引擎和 AI 讀得明嗎？

免費，唔使登記，唔使留電郵。輸入網址、撳掣、睇結果，就係咁多。

檢查嗰陣，你條網址會傳去 Google PageSpeed Insights 攞技術數據——冇呢一步就冇嗰四個分。除此之外，灝創智能自己唔會記低你條網址，唔會攞佢建立任何檔案，亦唔會因為你用咗呢個工具而寄推廣信畀你。我哋只會加一個匿名計數：「總共查過幾多次」同「其中幾多次有／冇某一項」，例如「查過 200 次，其中 148 次冇結構化資料」。呢啲數字冇時間、冇次序、冇 IP、冇瀏覽器資料，冇任何可以指返去你嘅嘢，將來我哋出行業報告就係用呢啲。樣本少過 30 次，我哋唔會出任何百分比——三個樣本講「67%」，等於喺度講緊某兩個站。

效能、SEO、無障礙、最佳做法呢四個分，直接嚟自 Google PageSpeed Insights，即係 pagespeed.web.dev 嗰支工具。你自己攞同一條網址去嗰度跑得返；因為測試時間同網絡狀態唔同，分數可能會有少少浮動。我哋唔會自己計一套分。

嗰八項係我哋自己查嘅，PageSpeed 唔會查。包括：有冇結構化資料（用機器讀得明嘅格式寫低你間公司資料）、robots.txt 有冇擋走 AI 爬蟲、原始 HTML 有冇足夠文字（好多網站要行完 JavaScript 先見到字，AI 爬蟲唔會等）、有冇主標題、有冇頁面描述、頁面上有冇營業資料、有冇 AI 引導指南、有冇用 HTTPS。

因為 Google 要真係用一部模擬手機載入你個網站一次，先計得到效能分。一般要等幾十秒；如果 Google 線路繁忙，系統會自動再試，最多三次，你唔使重複撳掣。

唔會，亦冇人可以咁承諾。呢個檢查量度嘅係「讀唔讀得到」，唔係「會唔會被引用」。讀得到係前提，唔係保證。任何人同你講「做咗就一定被 AI 推薦」，嗰個係吹水。

唔會。灝創智能改唔到你個網站，我哋一個字都掂唔到。免費登記係喺 haoflowai.com 開多一版商戶資料；專業建檔就會再整理來源、問答同結構化資料，並可交一個網站安裝包畀你或者原網站公司。兩樣都唔會暗中改你原網站。

因為「AI 讀唔讀到你」同「你個網站快唔快」係兩條唔同嘅問題。就算你個網站分數低、甚至冇網站，只要有一版公開、有結構、AI 讀得明嘅公司資料擺喺度，AI 就有嘢可以引用。呢一版我哋幫你開，免費都有得開。

IG 對 AI 嚟講好難讀：內容主要係圖同影片，而且要登入。最實際係喺一個公開、AI 讀得到嘅網站開一版你嘅正式商戶資料，再喺嗰版指返你個 IG。灝創智能免費登記就係咁一版。

唔係，兩樣係分開嘅。呢個工具淨係即場查你個網站，唔會改你商戶頁嘅 AI 優化分，亦唔會記低你查過咩。商戶分數由系統每日香港時間凌晨 3 點自動計，但個分只係診斷，唔影響展示次序。想即刻計，可以喺「我嘅商戶」後台撳「立即檢查」。